Sa Paskong Darating
Ni: Krantz Paul Zerrudo

Ano ba talaga ang halaga ng Pasko sa mga Pinoy? Anu-ano ang nagpapatunay na mahalaga ang Pasko sa mga Pinoy? Bakit natin ito ipinagdiriwang? Ang bawat Pasko ay mahalaga sa mga Pinoy sapagkat dito tayo nakakatanggap ng regalo at dito rin umuuwi ang ating mga mahal sa buhay na galing pa sa iba’t ibang lugar para lang idiwang ang pasko na magkakasama. Subalit, papaano naman ang mga mahal natin sa buhay na hindi makakarating sa Araw ng Pasko dahil sila ay nagtatrabaho sa ibang bansa para lang sa atin at nagsasakripsyo sila kahit gusto nilang magkakasama tayong ipagdiwang ang Araw ng Pasko?

Kilala ang mga Pinoy na pinakamahabang magdiwang ng Pasko at isa sa mga nagpapatunay nito ay makikita na agad pag “ber” months. Tayo’y naghahanda at nagsasabit ng iba’t ibang desinyo na angkop sa Pasko, nararamdaman mo talaga ang hilig ng mga Pinoy sa Pasko dahil sa mga makukulay, magaganda at malalaking parol na nakasabit sa mga daan, Christmas lights na nakasabit sa bawat puno sa parke, iba’t ibang klaseng Christmas tree na nakalagay sa bawat tahanan ng mga Pinoy, at ang mga batang bumibisita sa bawat bahay at kumakanta ng mga awiting tungkol sa Pasko.

Kapag papalapit na ang Pasko, marami na ang naghahanda upang makumpleto ang Simbang Gabi o Misa de Galleo at ang hudyat sa pagsisimula ng misa ay ang pagtunog ng dambana.. Nagtitipon-tipon tayo sa simbahan upang magdasal na mtaimtim. May mga kasabihan pa nga na kapag nakumpleto mo ang Simbang gabi ay tiyak na isa sa mga kahilingan mo ay matutupad.

Hindi naman magpapadaig ang pangalang “SANTA CLAUS” tuwing darating na ang Pasko. Siya ay kilala ng bawat Pilipino lalong-lalo na ang mga bata.

Ang ating isipn ngayong Pasko, sa kabila ng kasiyahan na binibigay ng Pasko dahil sa mga natatanggap nating mga kagamitan, hindi ito ang tunay na mensahe na gusting iparating ng salitang Pasko. Ang tunay na kahulugan ng Pasko ay ang pagmamahalan sa kapwa tao kahit sinuman siya, kilala man natin o hindi, mahirap man o mayaman, dapat nating bigyan ng sapat na pagmamahal at respeto upang mabuo talaga ang ating pinagdiriwang. At ang pasko ay ang oras ng pasasalamat sa lahat ng biyayang natanggap natin sa ating paglalakbay dito sa mundong ibabaw. Sana’y ngayong Pasko, ay iiral ang tunay na kahulugan nito sa bawat puso ng mamamayang Pilipino.