PAG-IBIG na walang kapantay
Ni: AMPY HILLARY G. PINGOY
Ano nga ba ang pag-ibig?
Sabi ng iba, “LOVE IS BLIND, LOVE IS A TRIUMPH OF IMAGINATION OVER INTELLIGENCE, LOVE IS EVERYTHING” at kung titingnan mo ang diksyonaryo bibigyan ka nito ng kanyang sariling depinisyon ng pag-ibig, ito ay: ANG PAG-IBIG AY MARAMING KAHULUGAN MULA SA ILANG BAGAY NA NAGBIBIGAY KONTING LIGAYA ("NAIBIGAN ANG ISANG PELIKULA") HANGGANG SA PAGBUWIS NG BUHAY (PAGKABAYANI). MAAARI NA ISANG MASIDHING DAMDAMIN NG PAGTINGIN ANG KAHULUGAN NITO, ISANG EMOSYON O NASA ESTADO NG EMOSYON. SA PANGKARANIWANG GAMIT, MADALAS NA TUMUTUKOY ITO SA INTERPERSONAL NA PAGMAMAHAL. MARAHIL SA MALAKING KAUGNAYAN NITO SA SIKOLOHIYA, KARANIWANG TEMA ITO SA SINING. MAYROONG KUWENTONG PAG-IBIG ANG KARAMIHAN SA MODERNONG MGA PELIKULA AT TUNGKOL DIN SA PAG-IBIG ANG KARAMIHAN SA MGA AWITING SIKAT O MUSIKANG POP. SA RELIHIYON, PARTIKULAR NA SA KRISTIYANISMO, ANG PAG-IBIG ANG PINAKADAKILANG BIYAYA O REGALO NG DIYOS SA TAO; AYON SA BIBLIYA WALANG TAO ANG NABUBUHAY NG WALANG PAG-IBIG. AYON SA AKLAT NI SAN PABLO SA KANIYANG UNANG SULAT SA MGA TAGA-CORINTO 13: 1-13:
"Ang pag-ibig ay matiisin... may magandang loob; hindi nananaghili, hindi nagmamapuri, hindi palalo; hindi lumalabag sa kagandahang-asal, di naghahanap ng para sa sarili, di nagagalit, di nag-iisip ng masama; hindi natutuwa sa kasamaan, ngunit ikinagagalak ang katotohanan..." Idinagdag pa niyang "Ang pag-ibig ay di kailanman magmamaliw..." Ayon pa rin kay San Pablo, may tatlong bagay na mananatili: ang pananampalataya, ang pag-asa, at ang pag-ibig; subalit pinakadakila sa mga ito ang pinakahuli: ang pag-ibig.
Para sa akin, walang saktong depinisyon ang “love” o pag-ibig. Una dahil ang paglalagay ng depinisyon ay parang pagkukulong sa isang ibon na ginawa upang lumipad sa kung hanggang saan ang kaya niya. Binibigyan natin ito ng hangganan o limitasyon. Sa pag-ibig lahat ay posible. Lahat kayang gawin ng isang nagmamahal sa kanyang minamahal sapagkat ang pag-ibig ay isang napakalakas na puwersa na nagbibigay lakas sa taong nakakaramdam nito. Lahat ay kayang ibigay ng taong nagmamahal kahit ang kanyang sariling buhay. At pangalawa, ang pagibig ay hindi salita ngunit ito ay “feelings” o nararamdaman. Papaano mo nga naman maipapahayag ang iyong nararamdaman sa isang tao kung hindi niya ito mararamdaman tulad ng pagkakaramdam mo?
Sigurado akong lahat tayo’y may sarili depenisyon ng pag-ibig. May pag-ibig sa magulang, pag-ibig sa kapatid, pag-ibig sa kaibigan at marami pang iba. Ngunit sa tulad kong musmos pa lamang at walang gaanong karanasan sa tunay na pag-ibig, ang kahulugan ng pag-ibig ay ang magbibigay ng aruga sa taong minamahal mo at handa mong suungin lahat para sa kanya. Marahil wala pa ako sa hustong gulang upang maibigay ang saktong kahulugan ng pag-ibig, wala man ako sa isang relasyon hindi ito nangangahulugan hindi pa ako nakakaramdam ng pag-ibig sapagkat noon pa ma’y punong puno na ako nito, mga pag-ibig na handog ng aking pamilya, kaibigan at mga taong nakapaligid sa akin.
PAG-IBIG. Para sa aming mga kabataan sa panahon ngayon ang pag-ibig ngayon ay ang "walang hanggan na pagmamahal" para sa isang espesyal na tao na ngayon lang natin nakita. Una, magsisimula yan sa crush, magiging “text mate”, ka-facebook, ka-chat, susunod na ang panliligaw (minsan nga wala na) tapos magiging “kayo” na o “magka-ON” na. Napakabilis. Para sa akin, ito ay hindi pag-ibig sapagkat ang pag-ibig ay maikukumpara ko sa isang puno kung saan kailangan ng oras upang ito’y lumaki at mamunga ng masasarap na prutas. Gaya ng puno ang “love” ay nangangailangan din ng sapat na panahon. Panahon upang makilala mo ang iyong minamahal at ganun din siya. Panahon upang maging kumportable kayo sa isa’t isa. Papano mo masasabing mahal mo ang isang taong hindi mo nga kilala?
Ang pag-ibig ay hindi naiipipilit kanino man. Hindi rin ito minamadali. Sa madaling salita ito ay dumarating nang hindi natin inaasahan. Sa panahon ngayon kung saan ang pag-ibig ay nabibigyan na ng maling kahulugan, ang kabataan ay narararapat ng turuan ng sapat na kaalaman tungkol dito. At naniniwala akong hindi nila ito matututunan sa pagkakaroon ng karelasyon kung hindi natututunan nila ito sa kanilang pamilya kasama na rito ang kanilang mga kaibigan.
Kami'y Hindi Makata
TAPAYANG GINTO
Ito ay isang libro. Proyekto ng klaseng Sto. Domingo de Guzman '09. Ang ano mang nakasaad rito ay nakasulat rin doon. Walang Kahit na anong pagbabago ang naisagawa.
Hindi kami makata sapagkat sinubok namin ang aming angking galing at talino upang matapos at mailimbag ang librong ito. May mga TULA, KUWENTO, at SANAYSAY kaming inihanda pero hindi rin kami sigurado kung ito ay swak sa panlasa niyo. Kami'y nag-sisimula pa lamang lumakbay patungo sa hinaharap sa tulong ng aming gurong si Ginoong Richard P. Moral, Jr.
Nawa'y lubos niyong maibigan ang aming mga mumunting artikulo.
-SDDG '09
Ito ay isang libro. Proyekto ng klaseng Sto. Domingo de Guzman '09. Ang ano mang nakasaad rito ay nakasulat rin doon. Walang Kahit na anong pagbabago ang naisagawa.
Hindi kami makata sapagkat sinubok namin ang aming angking galing at talino upang matapos at mailimbag ang librong ito. May mga TULA, KUWENTO, at SANAYSAY kaming inihanda pero hindi rin kami sigurado kung ito ay swak sa panlasa niyo. Kami'y nag-sisimula pa lamang lumakbay patungo sa hinaharap sa tulong ng aming gurong si Ginoong Richard P. Moral, Jr.
Nawa'y lubos niyong maibigan ang aming mga mumunting artikulo.
-SDDG '09
Paunang Salita
Imuklat mo ang iyong mata’t isipan sa isang munting paglalakbay……
Utak ay binubulabog ng mga kalabang hindi mo nakikita. Atake dito,atake doon, walang parteng nailigtas sa kanilang pakikihimasok. Basta ang alam natin ay ang kanilang pakay ay maipahayag ang katotohanan at maiani ang bawat emosyon na naitanim sa kalalamin ng ating puso. Sila’y mumunting bagay lamang ngunit, kapangyarihan nila’y hindi mayayanig. Katalinuha’y kanilang hatid sa puso’t isipan na kanyang binabatid.
Titik na pumipilit umaalsa sa katotohanang kaniyang inihatid. Gabay ang kamay at isipan upang mapukaw ang bawat pusong natutulog sa kabila ng lahat ng kasinungalingan na bumabalot sa kanya. Saksi ang panulat’ papel sa kabayanihang hatid ng bawat titik na naiambag.
Marami ang bumabatikos sa katotohanang naimulat ng bawat titik at salita. Ngunit, sila’y patuloy na lumalaban upang maisiwalat lang ang kung ano ba ang nararapat.
Tayo’ nakakabasa’t nakakasulat ay maswerte sa pagiging taga likha ng mga matatapang na titik na ito. Kaya’t tayo na mismo ang magpapayaman dito at maging inspirasyon sa pagmulat ng mga tinatagong katotohanan sa susunod na henerasyon.
…………………………………………………………………………….
Ngayo’y mga titik ay binigyan ng liwanag ang kadilima’y sa ating puso kaya’t naging obligasyon nating ipahayag ang kaniyang ipinahiwatig sa atin.
Tapayang ginto’y nagawa, isang simpleng koleksyon ng mga artikulo.Mga artikulo na naiambag ng mga simpleng estudyanteng minulat ng nobelang Noli Me Tangere. Hindi man gaanong makata,may sukat at tugma, at propesyonal ang gumawa, ngunit, nagpapahayag ng mas malalim na kahulugang na dapat hukayin at unawain, nagbibigay ng bagong pananaw sa mga bagay-bagay at nagbibigay ng panandaliang rebolusyon ng mga titik at manunulat sa katotohanang kanilang ipinaglalaban.
Ito’y isang kalipunan lang ng mga artikulo na ayon sa pananaw ng iba at ito’y nagbibigay ng bagong daan sa buhay,hindi lamang sa buhay ng mga manunulat, pati na rin as mga mambabasa nito na tinuturing na itong ginto na kinukunan nila ng ginto aral, mga ginto na yumayabong sa katalinuhang taglay. At isang panibagong hakbang patungo sa kinabukasang punong-puno ng katotohanan.
Subscribe to:
Post Comments (Atom)
No comments:
Post a Comment