Kalayaan nga ba ang natamo?
Ni: Tricia Kristin Senobago

Kasabay ng paglubog ng araw ang unti-unting pagdilim ng papawirin. Sa mga barong-barong ay nakatirik lamang ang kandila na tanging pinagkukunan ng liwanag ng ating mga kababayan, samantalang ang mga dayuhan ay nasa malalaki at magagarbong tahanan at walang tigil na nagsasaya sa ating bayan.

Nang mabigyan tayo ng ganap na kalayaan sa mga kamay ng mga banyaga, may pagbabago bang naganap? Nakalasap nga ba ang bawat Pilipino ng tunay na kalayaan?

Tayo’y magbaliktanaw sa mga panahong nagdaan na tayo’y unang nabigyan ng kalayaan ng mga banyagang sumakop sa ating bayan. Ano na ba ang kaibahan nito sa mga panahong tayo’y malaya na sa pamumuno ng mga dayuhan? May pagbabago at kaunlaran nga bang naganap sa paglipas ng panahon?

Mga panahong tayo’y sakop pa ng mga banyaga:

Tayo’y nawalan ng kalayaan at halos nawalan din ng karapatang mamuhay sa loob ng sariling bayan. Sa lupang ating sinilingan tayo’y naging alipin, pilit na pinagsilbi at sunod sunuran lamang sa kagustuhan ng mga mananakop.

Taga labas man pero sila ang makapangyarihan at may karapatang mamuhay ng sagana sa ating lipunan. Ng tayo’y bigyan ng ganap na kalayaan at binigyan ng sariling pamahalaan. Mga Pilipino na nga mismo ang namumuno subalit mga banyaga parin halos lahat ang nananatili sa ating bansa. Ang inakala nating kalayaan ng ating bansa ay halos walang pagbabago sapagkat ang mga dayuhan parin ang nangingibabaw sa tuwing sila’y nadadayo sa ating bansa, sila parin ang nakapamumuhay ng mas masagana at lubos na ginagalang sa loob ng ating bayan.

Kailangan na nating gumising sa realidad na hanggang ngayon ay banyaga parin ang nangingibabaw sa ating bayan, halos walang pinagkaiba noong tayo’y sakop pa nila. Dahil hanggang ngayon halos lahat ng malalaking bahay at establisimiyento sa ating lipunan ay dugong banyaga ang nag mamay-ari at kung hindi man ay sa tulong ng mga banyaga.