Pangarap sa Likod ng mga Luha
Ni: Jolina Joy Capillio

Isang makiming na dalaga si Mayumi Menderes. Siya ang panganay at meron siyang tatlong babaeng kapatid. Nilayasan sila ng kanilang ama kung kaya’t namasukan na lamang bilang isang labandera ang kanilang ina sa kaibigan nitong mayaman na kastila na si Miguel.

Si Mayumi ay nagtatrabaho sa isang kumpanya bilang taga-linis. Paminsan-minsan ay naisip-isip ni Mayumi na sana’y makapag-aral siya at maging isang ganap na manananggol. Habang naglilinis ng sahig si Mayumi, may biglang pumat-pat sa kanyang likuran at laking gulat nito dahil ito ang kanyang matalik na kaibigan. Allen Tolentino ang kanyang pangalan at sadyang napakayaman nito. Napadaan siya sa kumpanya dahil sinadya niyang makita si Mayumi at makausap. Gusto sana niyang isama ang dalaga sa Espanya at para sa kanila na lamang magtrabaho at si Allen naman ang bahala sa pag-papaaral sa kanya. Laking pasasalamat ni Mayumi at hindi na siyang nagdalawang isip na tumanggi. Naramdaman ni Mayumi na siya’y masaya at malungkot. Nagpaalam na si Mayumi at nakalanghap na ng simoy ng hangin sa Espanya. Si Mayumi ay nag-aaral sa umaga at nagtatrabaho naman bilang katulong sa gabi. Marami ang ayaw kay Mayumi na kapwa katulong sa bahay maliban kay Joana na isa ring Pilipina. Binibigyan si Mayumi ng mabibigat na trabaho at tinitingnan lamang siya ng mga katulong habang nagdurusa.

Isang maulang gabi at dumating ang ina ni Allen galing Estados Unidos. Nag-utos siya na paghandaan siya ng makakain. Walang gustong magluto ng pagkain kaya’t muling inutusan ng mga katulong si Mayumi. Adobo ang niluto ni Mayumi at naaalala nito ang kanyang naiwang tahanan. Inilagay niya sa mesa ang kanyang niluto at nagalit ang kanyang masungit na amo. Siya raw ay nangangati kapag nakakain ng manok. Ito na ang hudyat na pagiging paboritong utusan, pagalitan at murahin si Mayumi ng kanyang amo.

Nakatanggap ng sulat si Mayumi galing sa kapatid na si Elena at sinabing nagkasakit ang kanilang ina. Gumawa ng sulat si Mayumi at dali-daling lumabas ngunit hinarangan siya ng kanyang amo. Kinuha niya ang sulat at pinunit sa harapan ng dalaga. Sinabi ng matanda na ang mga hampaslupang kagaya niya ay walang karapatan na magsulat ng isang liham at ang pagsunod lang sa amo ang kanilang aatupagin. Nagtimpi si Mayumi at umiyak na lamang sa kwarto. Gumawa muli ng sulat si Mayumi na may lamang pera at ipinadala kay Joana dahil babalik na ito sa Pilipinas. Ilang taon ang hinitay ni Mayumi sa sulat ng kapatid at sa wakas, nasa kamay na rin niya ito. Nakasaad sa sulat na namatay na ang kanilang ina na labis iniluksa ng kanyang puso. Ang tatlong naiwang magkakapatid ay kinupkop ni Miguel at pinapahirapan. Binubugbog ni Miguel ang magkakapatid kapag siya’y nalalasing at kinukulong sila sa madilim na kwarto kapag ‘di sumusunod sa kanyang utos. Kumulo ang dugo ni Mayumi at hinintay ang pagkakataon na makakuwi siya sa Pilipinas. Ilang buwan ang nakalipas ay malaya na siyang umuwi sa kanyang inawang bayan at kaagad na umuwi siya dito.

Pagdating pa lang sa Pilipinas ay kaagad siyang pumunta sa tahanan ni Miguel at kinuha ang mga kapatid at kinasuhan si Miguel at hinatulan ng panghabang buhay na pagkabilanggo.

Masaya silang namuhay kahit nakatakas si Miguel. Napatunayan ni Mayumi na hindi hadlang ang kahirapan sa paghahangad ng katarungan. Hindi kalian man naging hadlang ang kanyang pagiging babae sa pagharap ng mga pagsubok. Maraming mahihirap na tao ang naipagtanggol niya at titnitingala siya ng marami.