Pagbangon ng Lahing Ibarra sa siglong 21
Ni: Cris Min Stephen Fuentes


“Buhay pa ba ang mga lahing Ibarra sa makabagong panahon?”

Ito ang katanungang gumugulo sa aking isipan habang ang librong “Noli Me Tangere” na inakda ni Dr. Jose Rizal ay nakalapag sa aking dibdiban. Hindi talaga ako mapakali kaya’t panay palit ko ng posisyon sa aking higaan. Sumagi sa aking isipan ang mga kababayang hinangaan ko sa ngayong ika-21 siglong dahil angkin nila ang mga kaugaliang ipinagmalaki ni Crisostomo Ibarra?

Crisostomo Ibarra? Bakit nga ba’t napili ko si Crisostomo Ibarra?

Si Crisostomo Ibarra, bilang isang napakahalagang karakter sa librong “Noli Me Tangere’ ay isa rin siyang parte ng ating kaugaliang Pilipino. Mga kaugalian ni Crisostomo Ibarra ay nagpatibay at nagpatatag ng dugong Pilipino. Mula sa magandang kabuhayan doon sa San Diego’y pinili niyang mangibang bansa upang matuto pa ng ibang kulturang dayuhan, makapagtapos ng pag-aaral, at mamuhay ng simple lamang. Naging mapursiging tao siya lalo na nung tinuklas niya ang nangyari sa kanyang ama kahit na alam niya na mahihirapan siya.

Tulad ni Crisostomo Ibarra’y nangibang bansa rin ang ating kababayang Pilipino. Sa ngayong ika-21 na siglo’y mga kilalang iskolar ng bayan nati’y nagpatingkad ng lahing Pilipino. Iniwan nila ang bayang sinilangan maging magaling lamang sa kanilang larangan. Mga kapatid nating mga Pilipino’y napakabukodtangi talaga. Mga ama natin ngayo’y nagsusumikap rin tulad ni Crisostomo Ibarra sa araw-araw nilang paglalayag. Sila’y nagsasaliksik ng mga magagandang trabaho upang mapalamon ang mga munting bibig ng pamilya. Maging ang mga taong nakaranas ng pagtkatalo’y may bahid ng lahing inilathala. Sa pagpupursigi nilang manalo, nakamit nila ang matamis na pagsasalo.

Nang matapos isaisip, maalala, at isaisahin ang mga taong naimplwensyahan ni Crisostomo Ibarra ay ako’y napatingala at napaisip. Kahit sino naman pala’y pwedeng magbagong buhay at tumahak ng ibang landas para sa ikabubuti ng ating inang bayan. Ipagsigawan natin ang lahing Ibarra! Sa ngayong siglo 21, lahing Ibarra ay makakamtan . kaya’t walang iwanan sa bayan ni Juan.